Os días 29 e 30 de marzo estivemos realizando un Obradoiro de Autoestima cos rapaces e rapazas participantes no Proxecto Coaching Menores, ao que asistiron 30 usuarios.

Durante a segunda quincena do mes de agosto realizouse unha actividade deportiva de iniciación ao karate impartida por un dos usuarios do programa Coaching Menores que ten un nivel avanzado neste deporte. Deste xeito, démoslle a oportunidade ao propio menor de auto realizarse como mestre ou docente no deporte que leva tantos anos practicando, ademais de fomentar a creación dun grupo deportivo e a interacción entre os usuarios do programa.

O mércores 7 de xullo fixemos unha excursión ao Parque Zoolóxico Ornitolóxico de Avifauna, situado na localidade de Outeiro de Rei. A esta viaxe asistiron 16 rapaces e rapazas do Proxecto Coaching Menores, e puidemos observar de preto mais de duascentas especies de aves procedentes de todo o mundo coma avestruces, flamencos, casuarios, aguias, etc.

O día 1 de xullo levouse a cabo a realización dun mural coletivo sobre integración intercultural no que participaron 9 usuarios do programa cos obxectivos de fomentar alternativas de ocio saudable, fomentar a cooperación e a cohesión no grupo de iguais e fomentar e establecer relación entre os membros do grupo.

Os días 6 e 13 de maio de 2021 realizáronse sendos obradoiros de habilidades sociais na biblioteca pública de Lugo, cunha asistencia total de 12 menores incluídos no Proxecto Coaching Menores.

A través de charlas, exposicións e dinámicas de grupo ofréceselles aos menores as ferramentas para mellorar as súas relacións interpersoais, a forma de communicarse, etc.